Միասինն իր ծրագրերն իրականացնում է հիմնադիր անդամների նվիրատվությունների, ինչպես նաև գործընկեր կազմակերպությունների միջոցով: Մենք մշտապես փնտրում ենք նոր գործընկերների նոր ծրագրերի համար։ Եթե Դուք նույնպես ցանկանում եք Հայաստանում կամ Արցախում իրականացնել որևէ ծրագիր, սակայն չունեք ժամանակ և համապատասխան ռեսուրսներ, ապա կարող եք վստահել ձեր ծրագրի իրականացումը մեր երիտասարդ թիմին: Կապ հաստատեք մեզ հետ ավելին իմանալու համար: 

Եթե ցանկանում եք աջակցել կամ մասնակից լինել մարդասիրական որևէ ծրագրի, ապա Միասինը ձեզ կօգնի բնագավառի ընտրության հացում: Համագործակցության արդյունքում դուք կկարողանաք որոշակի շփում և փորձի փոխանակում ունենալ հայերի հետ:

Այն ձեռնարկությունները, որոնք որոշել են փոխել իրենց սարքավորումները և այլևս նախկինների կարիքը չունեն, կարող են դրանք նվիրաբերել Միասինին։ Արտերկրից Հայաստան սարքավորումների տեղափոխումը հնարավոր է կազմակերպել դրանց որակն ու անհրաժեշտությունն ուսումնասիրելուց հետո։

Աջակցելով աշկերտի դուք նրան հնարավորություն եք տալիս մեր օգնությամբ մասնագիտական որակավորում ստանալու և աշխատանքի շուկա մուտք գործելու:

Դարձեք պատանի տաղանդների հովանավոր, տրամադրեք նրանց կրթաթոշակ, նվիրեք որևէ երաժշտական գործիք կամ կազմակերպեք վարպետության դաս….

Կազմակերպեք ձեր այցելությունը Հայաստան և հարևան երկրներ՝ օգտվելով Միասինի ծառայություններից։

Մեզ կարող եք նաև աջակցել ֆինանսապես:  Ձեր նվիրատվությունը ամբողջովին կօգտագործվի Հայաստանում տնտեսական ճգնաժամի և արտագաղթի դեմ պայքարելուն ուղղված մեր ծրագրերում: Մենք երաշխավորում ենք ողջ գործընթացի թափանցիկությունը։